Gali Mein Jab Chand Niklaa

Gate pe taala daal ke, darwaza lock kar diya tha

Roz ki tarah light off kar, ek cigarette jala liya tha

Gulzar sahab ke gaane background mein baja ke, ek raat aur beeta diya tha

Takiya bheego kar chaddar odh kar, sapno se sulah kar liya tha

Yaad nahi thik se ke woh tumhare gaadi ka horn tha ya mera instinct, ke jisse tumhare aane ki aahat huyi

Barson baad paav pade uss balcony pe, jahaan se tumhe “bye” bola karti thi

Tum yun chale aaye jaise roz patte khelne ke baad ghar laut te the
Bas iss baar taash ka game char saal lamba chala

Bedroom ki khidkiyon mein naye pardon ko notice kiya tumne
Par meri aankhon ke dark circles shayad clearly dikhe nahi

Lamhon pe lamhe pile up hote gaye
Jaise aadhi padi huyi uss kahaani ka climax likha jaa raha tha

Labon ne saans li, dhadkan full volume pe baje
Aur tabhi cd player ne kaha "bolo dekha hai kabhi tumne mujhe uddte huye"

Mera haal poocho toh ICU ke patient sa tha 
Dimaag coma mein tha aur doctor dil ne control le rakha tha apne haath mein

Baahon mein liya aur giraya nahi
Bistar, bean bag, chair, kitchen bathroom - har jagah khushboo thi uss new found ishq ki

Subah ki smile meri genuine se bhi real thi
Bas uss sms ne sapna tod diya 

"Sorry  I was drunk last night. Won't happen again"